कोल्हापूर : येथील वीर सेवा दल जिल्हा व तालुका समितीतर्फे पशु संवर्धनाच्या विविध समस्यांसंदर्भात पुणे येथील पशुसंवर्धन आयुक्त कांतिलाल उमाप यांची भेट घेऊन समस्यांचे निवारण करण्याची मागणी केली.
गीर गोवंशाच्या ‘सिमेन’चा तुटवडा मोठ्या प्रमाणात असल्याने या भेटीत ती मागणी प्रामुख्याने करण्यात आली. पशू आहार, पशूंचे विविध आजार, औषधे, त्यावरील उपचार, शासकीय वैद्यकीय अधिकाऱ्यांमुळे निर्माण झालेल्या समस्या आदींबाबत आयुक्त कांतिलाल उमाप यांच्याशी चर्चा करण्यात आली.
या भेटीदरम्यान पशुसंवर्धन विभागाचे पारेकर, अभिनव फार्म्स क्लबचे ज्ञानेश्वर बोडके, जिल्हा प्रमुख अजित पाटील, जिल्हा सचिव विजय बरगाले, जिल्हा सदस्य अनिल गडकरी, समोशरण भोकरे, शिरोळ तालुकाप्रमुख संतोष मगदूम, हातकणंगले तालुका सचिव आशिष देसाई आदी उपस्थित होते.
